చిత్రం: అడవి రాముడు (1977) సంగీతం: కె.వి. మహదేవన్ గీతరచయిత: వేటూరి నేపధ్య గానం: బాలు, సుశీల పల్లవి: కుకు కుకు కుకు కుకు... కోకిలమ్మ పెళ్లికి కోనంతా పందిరి... చిగురాకులు తోరణాలు చిరుగాలి సన్నాయి..ఎ..ఎ..ఎ..ఎ..ఈ.. డుడుం డుడుం డుడుం డుడుం... వసంతుడే పెళ్లికొడుకు వనమంతా సందడి పూలన్నీ తలంబ్రాలు పున్నమీ తొలిరేయి... చరణం 1: తుళ్ళి తుళ్ళి నిన్నమొన్న తూనీగల్లే ఎగిరిన పిల్లదాని కొచ్చిందీ కళ... పెళ్లికళా.. తలపులన్ని వలపులైన చూపులు విరితూపులైన పెళ్లికొడుకు నవ్వితే తళా... తళ తళా పూలగాలితో రేగిన పుప్పొడి పారాణిగా చిలకపాట నెమలి ఆట కలిసి మేజువాణిగా పూలగాలితో రేగిన పుప్పొడి పారాణిగా చిలకపాట నెమలి ఆట కలిసి మేజువాణిగా అందమైన పెళ్లికి అందరు పేరంటాలే అడవిలోని వాగులన్ని ఆనందపు కెరటాలై కుకు కుకు కుకు కుకు... కోకిలమ్మ పెళ్లికి కోనంతా పందిరి... చిగురాకులు తోరణాలు చిరుగాలి సన్నాయి చరణం 2: కన్ను కన్ను కలుపుకున్న కన్నెమనసు తెలుసుకున్న కనుల నీలినీడలే కదా ప్రేమకథ.. బుగ్గలలో నిగ్గుదీసి సిగ్గులలో చిలకరించు మొగ్గవలపు విచ్చితే కదా ..పెళ్లికథ ఇరు మనసుల కొకతనువై ఇరుతనవులకొక మనువై మనసులోని వలపులన్ని మల్లెల విరిపానుపులై ఇరు మనసుల కొకతనువై ఇరుతనవులకొక మనువై మనసులోని వలపులన్ని మల్లెల విరిపానుపులై కలిసివున్న నూరేళ్లు కలలుగన్న వేయ్యేళ్లు మూడుముళ్లు పడిననాడు ఎదలు పూలపొదరిళ్లు కుకు కుకు కుకు కుకు... కోకిలమ్మ పెళ్లికి కోనంతా పందిరి... చిగురాకులు తోరణాలు చిరుగాలి సన్నాయి డుడుం డుడుం డుడుం డుడుం... వసంతుడే పెళ్లికొడుకు వనమంతా సందడి పూలన్నీ తలంబ్రాలు పున్నమీ తొలిరేయి | |
Sunday, July 29, 2012
కోకిలమ్మ పెళ్లికి కోనంతా పందిరి
Labels:
NTR,
అడవి రాముడు (1977),
కె.వి. మహదేవన్,
బాలు,
వేటూరి,
సుశీల
Subscribe to:
Post Comments (Atom)
No comments:
Post a Comment