Saturday, August 4, 2012

అందెను నేడే అందని జాబిల్లి

చిత్రం: ఆత్మగౌరవం (1966) 
సంగీతం: ఎస్. రాజేశ్వరరావు 
గీతరచయిత: దాశరథి 
నేపధ్య గానం: సుశీల 


పల్లవి: 

అందెను నేడే అందని జాబిల్లి 
నా అందాలన్నీ ఆతని వెన్నెలలే 
అందెను నేడే అందని జాబిల్లి... 

చరణం 1: 

ఇన్నేళ్ళకు విరిసె వసంతములు 
ఇన్నాళ్ళకు నవ్వెను మల్లియలు 
నిదురించిన ఆశలు చిగురించెలే 
నిదురించిన ఆశలు చిగురించెలే... 
చెలికాడే నాలో తలపులు రేపెనులే 

అందెను నేడే అందని జాబిల్లి 
నా అందాలన్నీ ఆతని వెన్నెలలే 

చరణం 2: 

నా చెక్కిలి మెల్లగ మీటగనే 
నరనరముల వీణలు మ్రోగినవి 
గిలిగింతల నా మేను పులకించెలే 
గిలిగింతల నా మేను పులకించెలే.. 
నెలరాజే నాతో సరసములాడెనులే 

అందెను నేడే అందని జాబిల్లి 
నా అందాలన్నీ ఆతని వెన్నెలలే 

చరణం 3: 

ఇక రాలవు కన్నుల ముత్యములు 
ఇక వాడవు తోటల కుసుమములు 
వినువీధిని నామది విహరించెలే.. 
వినువీధిని నామది విహరించెలే.. 
వలరాజే నాలో వలపులు చిలికెనులే 

అందెను నేడే అందని జాబిల్లి 
నా అందాలన్నీ ఆతని వెన్నెలలే 
అందెను నేడే అందని జాబిల్లి

No comments:

Post a Comment