Wednesday, June 26, 2013

వేయి దీపాలు నాలోన వెలిగితే

చిత్రం: జీవిత నౌక (1977) 
సంగీతం: కె.వి. మహదేవన్ 
గీతరచయిత: సినారె 
నేపధ్య గానం: సుశీల 

పల్లవి: 

వేయి దీపాలు నాలోన వెలిగితే 
అది ఏ రూపం.. నీ ప్రతిరూపం 

కోటి రాగాలు నా గొంతు పలికితే 
అది ఏ రాగం.. ఆ అనురాగం.. 

చరణం 1: 

ఈ చీకటి కన్నుల వాకిలిలో.. ఓ.. వెలుగుల ముగ్గులు వేసేదెపుడో 
ఆ వెలుగుల మంగళవేదికపై.. నా వేణులోలుని చూసేదెపుడో 

చూడలేని నీ కన్నులకూ.. ఎదురుచూపైనా ఉందొకటి 
చూడగలిగే నా కన్నులకు.. చుట్టూ ఉన్నది పెనుచీకటి.. 

వేయి దీపాలు నాలోన వెలిగితే 
ఏ రూపం.. నీ ప్రతిరూపం 
కోటి రాగాలు నా గొంతు పలికితే 
ఏ రాగం.. ఆ అనురాగం.. 

చరణం 2: 

సుడివడిపోయే జీవితనౌక.. కడలితీరం చేరేదెపుడో 
కలగా తోచే ఆశారేఖ.. నిజమై ఎదురై నిలిచేదెపుడో 

వేచి ఉన్న నీ హృదయంలో.. రేపటి ఉదయం మెరిసింది 
వేగిపోయే నా గుండెలో.. గతమే స్మృతిగా మిగిలింది.. 

వేయి దీపాలు నాలోన వెలిగితే 
ఏ రూపం.. నీ ప్రతిరూపం 
కోటి రాగాలు నా గొంతు పలికితే 
ఏ రాగం.. ఆ అనురాగం..

No comments:

Post a Comment