భలే తాత మన బాపూజీ

చిత్రం: దొంగరాముడు (1955)
సంగీతం: పెండ్యాల
గీతరచయిత: సముద్రాల (సీనియర్)
నేపధ్య గానం: సుశీల

పల్లవి:

భలే తాత మన బాపూజీ
బాలల తాతా బాపూజీ
బోసినవ్వుల బాపూజీ
చిన్నీ పిలక బాపూజీ

భలే తాత మన బాపూజీ
బాలల తాతా బాపూజీ

చరణం 1:

కుల మత భేదం వలదన్నాడు
కలిసి బతికితే బలమన్నాడు
మానవులంతా ఒకటన్నాడు
మనలో జీవం పోశాడు

చరణం 2:

నడుం బిగించి లేచాడు
అడుగూ ముందుకు వేశాడు
కదం తొక్కుతూ పదం పాడుతూ
దేశం దేశం కదిలింది
గజగజలాడెను సామ్రాజ్యం
మనకు లభించెను స్వారాజ్యం
మనకు లభించెను స్వారాజ్యం

చరణం 3:

సత్యాహింసలే శాంతి మార్గమని
జగతికి జ్యోతిని చూపించాడు
మానవ ధర్మం బోధించాడు
ఆ ఆ ఆ ఆ ఆ ఆ
మానవ ధర్మం బోధించాడు
మహాత్ముడై ఇల వెలిశాడు