చిత్రం: అంతం (1992)
సంగీతం: ఆర్.డి. బర్మన్, మణిశర్మ
గీతరచయిత: సిరివెన్నెల
నేపథ్య గానం: బాలు
పల్లవి:
నీ నవ్వు చెప్పింది నాతో నేనెవ్వరో ఏవిటో
నీ నీడ చూపింది నాలో ఇన్నాళ్ళ లోటేవిటో
ఓ లాల లాల ఓ ఓ లాలాలాలాల
నీ నవ్వు చెప్పింది నాతో నేనెవ్వరో ఏవిటో
నీ నీడ చూపింది నాలో ఇన్నాళ్ళ లోటేవిటో
చరణం 1 :
నాకై చాచిన నీ చేతిలో చదివాను నా నిన్ననీ
ఓ... నాకై చాచిన నీ చేతిలో చదివాను నా నిన్ననీ
నాతో సాగిన నీ అడుగులో చూశాను మన రేపుని
పంచేందుకే ఒకరు లేని బ్రతుకెంత బరువో అని
ఏ తోడుకీ నోచుకోని నడకెంత అలుపో అని…
చరణం 2 :
నల్లని నీ కనుపాపలలో ఉదయాలు కనిపించనీ
నల్లని నీ కనుపాపలలో ఉదయాలు కనిపించనీ
వెన్నెల పేరే వినిపించని.. నడిరేయి కరిగించనీ
నా పెదవిలోనూ ఇలాగే చిరునవ్వు పుడుతుందనీ
నీ సిగ్గు నా జీవితాన తొలిముగ్గు పెడుతుందనీ
చరణం 3 :
ఏనాడైతే ఈ జీవితం రెట్టింపు బరువెక్కునో
ఆ... ఏనాడైతే ఈ జీవితం రెట్టింపు బరువెక్కునో
తనువు మనసు చెరిసగమని పంచాలి అనిపించునో
సరిగా అదే శుభముహూర్తం సంపూర్ణమయ్యేందుకు
మనమే మరో కొత్త జన్మం పొందేటి బంధాలతో
ఓ లాల లాల ఓ..ఓ లాలాలాలాల
నీ నవ్వు చెప్పింది నాతో నేనెవ్వరో ఏవిటో
నీ నీడ చూపింది నాలో ఇన్నాళ్ళ లోటేవిటో
No comments:
Post a Comment