ఓ జాబిలీ... వెన్నెల ఆకాశం

చిత్రం : రంగూన్ రౌడి (1979)
సంగీతం :  జె.వి. రాఘవులు
గీతరచయిత :  వేటూరి
నేపధ్య గానం :  బాలు, సుశీల

పల్లవి :

ఓ జాబిలీ... వెన్నెల ఆకాశం ఉన్నదే నీకోసం
ఎదురు చూసింది నిదుర కాచింది కలువ నీకోసమే
వెలుగువై రావోయి వెలుతురే తేవోయి

ఓ జాబిలీ వెన్నెల ఆకాశం ఉన్నదే నీకోసం
జుమ్  జుమ్ జుమ్.. జుమ్  జుమ్ జుమ్.. 

చరణం 1 :

కదలిపోయే కాలమంతా నిన్ను నన్ను నిలిచి చూసే
కలలు కన్న కౌగిలింత వలపు తీపి వలలు వేసే
భ్రమర నాదాలు ఉ ఉ ఉ
భ్రమర నాదాలు.. ప్రేమ గీతాలై పరిమళించేనోయి
పున్నమై రావోయి.. నా పున్నెమే నీవోయి

ఓ జాబిలీ వెన్నెల ఆకాశం ఉన్నదే నీకోసం
జుమ్  జుమ్ జుమ్.. జుమ్  జుమ్ జుమ్.. జుమ్  జుమ్ జుమ్

చరణం 2:

నవ్వులన్ని పువ్వులైన నా వసంతం నీకు సొంతం
పెదవి దాటి ఎదను మీటే.. ప్రేమ బంధం నాకు సొంతం
ఇన్ని రాగాలు.. ఉ ఉ ఉ
ఇన్ని రాగాలు నీకు అందించే రాగమే నేనోయి
అనురాగమే నీవోయి.. అనురాగమే నీవోయి

ఓ జాబిలీ వెన్నెల ఆకాశం ఉన్నదే నీకోసం

http://www.allbestsongs.com/telugu_songs/play-Telugu-Songs-iphone.php?plist=4030