చాలదా ఈ పూజ దేవి

చిత్రం :  శ్రీకృష్ణార్జునయుద్ధం (1963)
సంగీతం : పెండ్యాల
గీతరచయిత :  పింగళి
నేపధ్య గానం :  ఘంటసాల

పల్లవి :

చాలదా ఈ పూజ దేవి... చాలదా ఈ కొలువు దేవి...
నీ భక్తునింత నిరాదరణ చేయనేలా...ఆ..
చాలదా ఈ పూజ దేవీ ....

చరణం 1 :

నీ వాలు చూపులే... నా ప్రాణము...
నీ మందహాసమే... నా జీవము...

తపము జపము చేసి అలసి సొలసి పోతినే...
ఇక కనికరించి ఈ బాధను బాపవేలా.....ఆ...

చాలదా ఈ పూజ దేవి... చాలదా ఈ కొలువు దేవి...

చరణం 2 :

నీ అందెల గలగలలే... ప్రణవ నాదము
నీ కంకణ రవళియే... ప్రణయ గీతము

నీ కటాక్ష వీక్షణమే నాకు మోక్షము...
కరుణజూపి ఈ దీనుని కావవేలా.. ఆ..

చాలదా ఈ పూజ దేవీ... చాలదా ఈ కొలువు దేవీ

చరణం 3 :

నీవులేని నిముషాలే యుగములాయెనే
చెంతనుండి మాటలేని యోగమాయెనే

వరము కోరి ఈ చెరలో చిక్కుబడితినే...
జాలి దలిచి ముక్తి నొసగ జాలమేలా...ఆ..ఆ..

చాలదా ఈ పూజ దేవీ... చాలదా ఈ కొలువు దేవీ
నీ భక్తునింత నిరాదరణ చేయనేలా.. ఆ...
చాలదా ఈ పూజ దేవీ...

http://www.allbestsongs.com/telugu_songs/play-Telugu-Songs-iphone.php?plist=1209