Wednesday, October 8, 2014

మనసులేని బ్రతుకొక నరకం




చిత్రం  :  సెక్రెటరి (1976)
సంగీతం  :  కె.వి. మహదేవన్
గీతరచయిత  :  ఆచార్య ఆత్రేయ
నేపథ్య గానం  : రామకృష్ణ 



పల్లవి :


మనసులేని బ్రతుకొక నరకం
మరువలేని మనసొక నరకం


మనసులేని బ్రతుకొక నరకం
మరువలేని మనసొక నరకం


మనిషికెక్కడ వున్నది స్వర్గం
మరణమేనా దానికి మార్గం?
మనసులేని బ్రతుకొక నరకం 



చరణం 1 :


మనసనేది ఒకరికొకరు ఇచ్చినపుడే తెలిసేది
దాచుకుంటే ఎవరికీ అది దక్కకుండా పోతుంది


ప్రేమనేది నీకు నీవే పెంచుకుంటే పెరిగేది
పంచుకునే ఒక మనసుంటేనే బంధమై అది నిలిచేది


మనసులేని బ్రతుకొక నరకం 



చరణం 2 :


మరువలేనిది మాసిపోదు.. మాసిపోనిది మరలి రాదు
మరువలేనిది మాసిపోదు.. మాసిపోనిది మరలి రాదు


రానిదానికై కన్నీళ్లు...
రానిదానికై కన్నీళ్లు...
రాతి బొమ్మకు నైవేద్యాలు... 


మనసులేని బ్రతుకొక నరకం


చరణం 3 :



తరుముకొచ్చే జ్ఞాపకాలు.. ఎదను గుచ్చే గులాబి ముళ్ళు
గురుతు తెచ్చే అందాలు.. కూలిపోయిన శిల్పాలు


కన్ను నీదని.. వేలు నీదని.. పొడుచుకుంటే రాదా రక్తం
రక్తమెంతగా ధారపోసినా దొరుకుతుందా మళ్ళీ హృదయం


మనసులేని బ్రతుకొక నరకం
మరువలేని మనసొక నరకం


మనిషికెక్కడ వున్నది స్వర్గం
మరణమేనా దానికి మార్గం?
మనసులేని బ్రతుకొక నరకం  




http://www.allbestsongs.com/telugu_songs/play-Telugu-Songs-iphone.php?plist=1257

No comments:

Post a Comment