కలగంటి కలగంటి

చిత్రం :  అన్నమయ్య (1997)
సంగీతం : కీరవాణి
గీతరచయిత :  అన్నమయ్య
నేపధ్య గానం : బాలు

పల్లవి :

కలగంటి కలగంటి.. ఇప్పుడిటు కలగంటి
ఎల్లలోకములకు అప్పడగు తిరు వేంకటాద్రీశుడంటి
కలగంటి కలగంటి.. ఇప్పుడిటు కలగంటి
ఎల్లలోకములకు అప్పడగు తిరు వేంకటాద్రీశుడంటి
ఇప్పుడిటు కలగంటి

చరణం 1 :

అతిశయంబైన శేషాద్రి శిఖరముగంటి
ప్రతిలేని గోపుర ప్రభలుగంటి
శతకోటి సూర్యతేజములు వెలుగగగంటి
చతురాశ్యు పొడగంటి
చతురాశ్యు పొడగంటి.. చయ్యన మేలుకొంటి
ఇప్పుడిటు కలగంటి

చరణం 2 :

అరుదైన శంఖచక్రాదులిరుగడగంటి
సరిలేని అభయ హస్తమునుకంటి
తిరు వేంకటాచాలదిపుని చూడగగంటి
హరిగంటి గురుగంటి
హరిగంటి గురుగంటి.. అంతటా మేలుకంటి

కలగంటి కలగంటి.. ఇప్పుడిటు కలగంటి
ఎల్లలోకములకు అప్పడగు తిరు వేంకటాద్రీశుడంటి
ఇప్పుడిటు కలగంటి.. ఇప్పుడిటు కలగంటి