Sunday, November 2, 2014

తెలుగు పదానికి జన్మదినం



చిత్రం :  అన్నమయ్య (1997)
సంగీతం : కీరవాణి
గీతరచయిత :  వేటూరి
నేపధ్య గానం :  బాలు, సుజాత, రేణుక 



పల్లవి :


ఓం ఓం.....
తెలుగు పదానికి జన్మదినం
ఇది జాన పదానికి జ్ఞానపధం
ఏడు స్వరాలే ఏడు కొండలై వెలసిన కలియుగ విష్ణు పదం
అన్నమయ్య జననం
ఇది అన్నమయ్య జననం
ఇది అన్నమయ్య జననం 



చరణం 1 :


అరిషడ్వర్గము తెగనరికే హరి ఖడ్గమ్మిది నందకము
బ్రహ్మలోకమున బ్రహ్మభారతి నాదాశిస్సులు పొందినదై
శివలోకమ్మున చిద్విలాసమున డమరుధ్వనిలో గమకితమై
దివ్యసభలలో నవ్యలాస్యముల పూబంతుల చేబంతిగ ఎగసి
నీరద మండల నారద తుంబుర మహతి గానవు మహిమలు తెలిసి
శితహిమ కందర యతిరాట్సభలో తపః ఫలమ్ముగ తళుకుమని
తల్లి తనముకై తల్లడిల్లు ఆ లక్క మాంబ గర్భాలయమ్ములో
ప్రవేశించె ఆ నందకము.. నందనానంద కారకము


అన్నమయ్య జననం
ఇది అన్నమయ్య జననం
ఇది అన్నమయ్య జననం 



చరణం 2 :


పద్మావతియే పురుడు పోయగా పద్మాసనుడే ఉసురుపోయగా
విష్ణు తేజమై నాద బీజమై అంధ్ర సాహితి అమరకోశమై
అవతరించెను అన్నమయ్య అసతోమా సద్గమయ
అవతరించేను అన్నమయ్య అసతోమా సద్గమయ


చరణం 3 : 


పాపడుగా నట్టింట పాకుతు భాగవతము చేప్పట్టెనయా
హరినామమ్మును ఆలకించక అరముద్దలనే ముట్టడయా
తెలుగు భారతికి వెలుగు హారతై ఎదలయలో పద కవితలు కలయా
తాళ్ళపాకలో ఎదిగె అన్నమయ్య.. తమసోమా జ్యోతిర్గమయ
తమసోమా జ్యోతిర్గమయ
తమసోమా జ్యోతిర్గమయ 

No comments:

Post a Comment