చిత్రం : ఆలుమగలు (1977)
సంగీతం : టి.చలపతిరావు
గీతరచయిత : శ్రీశ్రీ
నేపథ్య గానం : బాలు
సాకి :
ఈ జీవిత పాఠశాలలో అనుభవాలే ఉపాధ్యాయులు
అంతులేని సుఖదుఃఖాలలో అందరూ సహాధ్యాయులే
పల్లవి:
తెలుసుకో ఈ జీవిత సత్యం.. జరిగేదే ఇది ప్రతినిత్యం
ఏ వయసునకా చోటుంది.. అక్కడే నీకు పరువుంది
అప్పుడే నీకు సుఖముంది ..
తెలుసుకో ఈ జీవిత సత్యం.. జరిగేదే ఇది ప్రతినిత్యం
చరణం 1 :
కడుపులో శిశువు కదిలి కుదిపితే.. అదియే తల్లికి ఆనందం
అక్కున చేర్చిన కొడుకు తన్నితే.. అదియే తండ్రికాహ్లాదం
ఎదిగిన సుతులే మమతలు మరచి ఎదురు తిరిగితే
నువ్వెక్కడ?.. నీ పరువెక్కడ?.. నీ చోటెక్కడ?
తెలుసుకో ఈ జీవిత సత్యం.. జరిగేదే ఇది ప్రతినిత్యం
చరణం 2 :
తొలిరోజులలో ఆలుమగలది ఉరకలు తీసే ఉబలాటం
బాధ్యత ముగిసి మళ్ళిన వయసుల ముడివేసేదే అనురాగం
తొలిరోజులలో ఆలుమగలది ఉరకలు తీసే ఉబలాటం
బాధ్యత ముగిసి మళ్ళిన వయసుల ముడివేసేదే అనురాగం
ఆ ఉబలాటం ఆ అనురాగం కరువైపోతే
నువ్వెక్కడ? .. నీ పరువెక్కడ?.. నీ తోడెక్కడ?.. నీ నీడెక్కడ?
http://www.allbestsongs.com/telugu_songs/play-Telugu-Songs-iphone.php?plist=1260
No comments:
Post a Comment