చిత్రం : ప్రేమ తరంగాలు (1980)
సంగీతం : చక్రవర్తి
గీతరచయిత : ఆచార్య ఆత్రేయ
నేపధ్య గానం : సుశీల
పల్లవి :
ఉ..హు..ఆ.. ఆ.. ఆ..
లా..లాలాలా..
మనసు ఒక మందారం.. చెలిమి తన మకరందం
ఆ మధురిమకు పులకించే.. బ్రతుకు ఒక మధుమాసం
చరణం 1:
ఈ తోటలో.. ఏ తేటిదో
తొలిపాటగా వినిపించెను .. ఎద కదిలించెను
ఆ పాటనే నీ కోసమే
నే పాడినా వినిపించునా నేస్తమా?
వికసింతువా వసంతమా?
మనసు ఒక మందారం... చెలిమి తన మకరందం
ఆ మధురిమకు పులకించే.. బ్రతుకు ఒక మధుమాసం
చరణం 2 :
ఈ చీకటి.. నా లోకము
నీ రాకతో మారాలిరా .. కథ మారాలిరా
ఆ మార్పులో.. నా తూర్పువై
ఈ మాపు నే వెలిగింతువా నేస్తమా?
వికసింతువా వసంతమా?
మనసు ఒక మందారం.. చెలిమి తన మకరందం
ఆ మధురిమకు పులకించే.. బ్రతుకు ఒక మధుమాసం
ఆహా..హా.. ఆ... ఆ...ఉమ్మ్..ఉమ్మ్
http://www.allbestsongs.com/telugu_songs/play-Telugu-Songs-iphone.php?plist=4161
No comments:
Post a Comment