చిత్రం : జీవితం (1973)
సంగీతం : రమేశ్ నాయుడు
గీతరచయిత : సినారె
నేపధ్య గానం : సుశీల, రామకృష్ణ
పల్లవి :
ఇక్కడే కలుసుకొన్నాము.. ఎప్పుడో కలుసుకున్నాము
ఈ జన్మలోనో... ఏ జన్మలోనో.. ఎన్నెన్ని జన్మలలోనో
ఇక్కడే కలుసుకొన్నాము... ఎప్పుడో కలుసుకున్నాము
చరణం 1 :
నీలనీల గగనాల మేఘ తల్పాల పైన..
పారిజాత సుమసౌరభాల కెరటాలలోన
నీ చేయి నా పండువెన్నెల దిండుగా..
నీ రూపమే నా గుండెలో నిండగా
కలలన్నీ వడబోసి... కలలన్నీ వడబోసి.. కౌగిలిలో చవి చూసి
ఇక్కడే కలుసుకొన్నాము.. ఎప్పుడో కలుసుకున్నాము
చరణం 2 :
నాటి జన్మలో ఓ చెలీ నా చరణాల వ్రాలి ఎమన్నావు?
జన్మజన్మలకు నా స్వామీ నీ చరణదాసినని అన్నాను
అంతలో నిను చేరదీసి నేనేమన్నాను?
ఓ సఖీ నా ఊపిరిలో నీ వున్నావని అన్నావు
ఆనాటి అనుబంధం ఈ నాటి మనబంధం.. ఆనాటి అనుబంధం ఈ నాటి మనబంధం
ఇక్కడే కలుసుకొన్నాము... ఎప్పుడో కలుసుకున్నాము
http://www.allbestsongs.com/telugu_songs/play-Telugu-Songs.php?plist=2369
No comments:
Post a Comment