చిత్రం : చంటి (1992)
సంగీతం : ఇళయరాజా
గీతరచయిత : వేటూరి
నేపధ్య గానం : బాలు, చిత్ర
పల్లవి :
ఎన్నెన్నో అందాలు... ఏవేవో రాగాలు...
వేసే పూల బాణం.. పూసే గాలి గంధం
పొద్దేలేని ఆకాశం... హద్దేలేని ఆనందం..
ఎన్నెన్నో అందాలు... ఏవేవో రాగాలు
చరణం 1 :
సిరిగల చిలకలు ఇలదిగి నడచుట న్యాయమా? ధర్మమా?
తొలకరి మెరుపులు చిలికిన చినుకులు నింగిలో ఆగునా..
చలిమర గదులలో సుఖపడు బతుకులు వేసవే కోరునా?
అలికిన గుడెసెల చలువుల మనసులు మేడలో దొరుకునా
అందాల మేడల్లోనే అంటదు కాలికి మన్ను...
బంగారూ పంటలు పండే మన్నుకు చాలదు మిన్ను
నిరుపేదిల్లు పొదరిల్లు...
ఇలలో ఉన్న హరివిల్లు...
ఎన్నెన్నో అందాలు... ఏవేవో రాగాలు..
వేసే పూల బాణం పూసే గాలి గంధం
పొద్దేలేని ఆకాశం... హద్దేలేని ఆనందం..
ఎన్నెన్నో అందాలు... ఏవేవో రాగాలు...
చరణం 2 :
జలజల పదముల అలజడి నదులకు వంత నే పాడనా
మిలమిల మెరిసిన తళతళ తారలు నింగినే వీడునా
చెరువుల కడుపున విరిసిన తామర తేనెలే పూయునా
మిణుగురు పురుగుల మిడిమిడి వెలుగులు వెన్నెలై కాయునా
ఏ గాలిమేడల్లోనో దీపంలా నే ఉన్నా
మా పల్లె సింగారాలు నీలో నేనే కన్నా
గోదారమ్మ పరవళ్ళు..
తెలుగింటమ్మ తిరునాళ్ళు...
ఎన్నెన్నో అందాలు... ఏవేవో రాగాలు..
వేసే పూల బాణం పూసే గాలి గంధం
పొద్దేలేని ఆకాశం... హద్దేలేని ఆనందం..
ఎన్నెన్నో అందాలు... ఏవేవో రాగాలు...
http://www.allbestsongs.com/telugu_songs/play-Telugu-Songs-iphone.php?plist=11031
No comments:
Post a Comment