చిత్రం : రుద్రవీణ (1988)
సంగీతం : ఇళయరాజా
గీతరచయిత : సిరివెన్నెల
నేపథ్య గానం : బాలు
పల్లవి :
తరలి రాద తనే వసంతం..
తన దరికి రాని వనాల కోసం
తరలి రాద తనే వసంతం
తన దరికి రాని వనాల కోసం
గగనాల దాక అల సాగకుంటే
మేఘాల రాగం ఇల చేరుకోదా
తరలి రాద తనే వసంతం
తన దరికి రాని వనాల కోసం
చరణం 1 :
వెన్నెల దీపం కొందరిదా.. అడవిని సైతం వెలుగు కదా
వెన్నెల దీపం కొందరిదా.. అడవిని సైతం వెలుగు కదా
ఎల్లలు లేని చల్లని గాలి.. అందరి కోసం అందును కాదా
ప్రతి మదిని లేపే ప్రభాత రాగం
పదే పదే చూపే ప్రధాన మార్గం
ఏది సొంతం కోసం కాదను సందేశం
పంచే గుణమే పోతె ప్రపంచమే శూన్యం
ఇది తెలియని మనుగడ కథ
దిశనెరుగని గమనము కద
తరలి రాద తనే వసంతం
తన దరికి రాని వనాల కోసం
చరణం 2 :
బ్రతుకున లేనీ శృతి కలదా.. ఎద సడిలోనే లయ లేదా
బ్రతుకున లేనీ శృతి కలదా.. ఎద సడిలోనే లయ లేదా
ఏ కళ కైనా ఏ కల కైనా.. జీవిత రంగం వేదిక కాదా
ప్రజా ధనం కాని కళా విలాసం
ఏ ప్రయోజనం లేని వృధా వికాసం
కూసే కోయిల పోతే కాలం ఆగిందా
పారే ఏరే పాడే మరో పదం రాదా
మురళికి గల స్వరముల కళ
పెదవిని విడి పలుకదు కద
తరలి రాద తనే వసంతం
తన దరికి రాని వనాల కోసం
గగనాల దాక అల సాగకుంటే
మేఘాల రాగం ఇల చేరుకోదా
తరలి రాద తనే వసంతం
తన దరికి రాని వనాల కోసం
No comments:
Post a Comment