చిత్రం : రుద్రవీణ (1988)
సంగీతం : ఇళయరాజా
గీతరచయిత : సిరివెన్నెల
నేపథ్య గానం : బాలు
పల్లవి :
చుట్టూ పక్కల చూడరా చిన్నవాడా
చుక్కల్లో చూపు చిక్కుకున్న వాడా
చుట్టూ పక్కల చూడరా చిన్నవాడా
చుక్కల్లో చూపు చిక్కుకున్న వాడా
కళ్ళ ముందు కటిక నిజం కాన లేని గుడ్డి జపం
సాధించదు ఏ పరమార్థం.. బ్రతుకుని కానీయకు వ్యర్థం
సాధించదు ఏ పరమార్థం.. బ్రతుకుని కానీయకు వ్యర్థం
చరణం 1 :
స్వర్గాలను అందుకొనాలని వడిగా గుడి మెట్లెక్కేవు
సాటి మనిషి వేదన చూస్తూ జాలి లేని శిలవైనావు
కరుణను మరిపించేదా చదువూ సంస్కారం అంటే
గుండె బండగా మార్చేదా సంప్రదాయమంటే
కరుణను మరిపించేదా చదువూ సంస్కారం అంటే
గుండె బండగా మార్చేదా సంప్రదాయమంటే
చుట్టూ పక్కల చూడరా చిన్నవాడా
చుక్కల్లో చూపు చిక్కుకున్న వాడా
చరణం 2 :
నువ్వు తినే ప్రతి ఒక మెతుకు ఈ సంఘం పండించింది
గర్వించే ఈ నీ బ్రతుకు ఈ సమాజమే మలచింది
రుణం తీర్చు తరుణం వస్తే తప్పించుకుపోతున్నావా
తెప్ప తగలపెట్టేస్తావా ఏరు దాట గానే
రుణం తీర్చు తరుణం వస్తే తప్పించుకుపోతున్నావా
తెప్ప తగలపెట్టేస్తావా ఏరు దాట గానే
చుట్టూ పక్కల చూడరా చిన్నవాడా
చుక్కల్లో చూపు చిక్కుకున్న వాడా
కళ్ళ ముందు కటిక నిజం కాన లేని గుడ్డి జపం
సాధించదు ఈ పరమార్థం.. బ్రతుకుని కానీయకు వ్యర్థం
చుట్టూ పక్కల చూడరా చిన్నవాడా
చుక్కల్లో చూపు చిక్కుకున్న వాడా
No comments:
Post a Comment