నీకున్నది నేననీ

చిత్రం :  తాశీల్దారు గారి అమ్మాయి (1971)
సంగీతం :  కె.వి. మహదేవన్
గీతరచయిత :  ఆత్రేయ
నేపధ్య గానం :  ఘంటసాల, సుశీల

పల్లవి :

నీకున్నది నేననీ..నాకున్నది నీవనీ
మనమింక కోరేది వేరేదీ లేదనీ
కలిసిపోయాము..ఈనాడు
కలసి వుంటాము..ఏనాడు

నీకున్నది నేననీ..నాకున్నది నీవనీ
మనమింక కోరేది వేరేదీ లేదనీ
కలిసిపోయాము..ఈనాడు
ఆ..కలసి వుంటాము..ఏనాడు

చరణం 1 : 

కొండల నంటి..కోనలు వున్నాయి
ఆ..ఆ..కోనల కండగ కొండలు వున్నాయి
ఎండ వానలు ఎన్నో చూచాయి
అ... హ.... హ..
ఇలాగే నిన్నూ నన్నూ..వుండమన్నాయి..ఆఆఆఅ

కలిసిపోయాము ఈనాడు..కలసి వుంటాము ఏనాడు

చరణం 2 :

ఎన్నెన్ని వసంతాల సొగసు తెచ్చినావో
ఎన్నెన్ని సెలయేళ్ళ చలువై వెలిసావో
ఎన్నిసార్లు నీ యెదలో నన్ను దాచినావో
ఎన్ని జన్మలను బంధం మోసుకొచ్చినావో

కలిసిపోయాము ఈనాడు..కలసి వుంటాము ఏనాడు

చరణం 3 :

మనసే మనకు తెలిసిన కోవెలగా..ఆఆఆ
మమతే మనము కొలిచే దైవముగా..ఆఆఆ
జీవితమే ఒక దీపారాధనగా..ఆహాహాహ
చెలిమే నువ్వూ నేనూ..కోరే వరముగా..ఆఆఆ

కలిసిపోయాము ఈనాడు..కలసి వుంటాము ఏనాడు

నీకున్నది నేననీ..నాకున్నది నీవనీ
మనమింక కోరేది..వేరేదీ లేదనీ
కలిసిపోయాము ఈనాడు..కలసి వుంటాము ఏనాడు
ఆహాహాహా..ఆహాహాహా..ఆహాహాహా..ఆహాహాహా

http://www.allbestsongs.com/telugu_songs/play-Telugu-Songs-iphone.php?plist=2358