చిత్రం : జీవితం (1973)
సంగీతం : రమేశ్ నాయుడు
గీతరచయిత : సినారె
నేపధ్య గానం : సుశీల
పల్లవి :
తొలిరేయీ... ఇది తొలిరేయి
ఇద్దరమూ చెరిసగమూ
ముద్దూ ముచ్చట పంచుకొనే... తొలిరేయీ..ఇది తొలిరేయి
చరణం 1 :
పెళ్ళిపందిట నీవువేసిన మూడుముళ్ళూ
చల్ల చల్లగా వుండాలి... అవి ఒక నూరేళ్ళూ
మూగ గదిలో నేడు పలికే... ఈ రాగం..
ఆ.... ఆ... ఆ.... ఆ
ముందు ముందు బ్రతుకును..పండించె అనురాగం
నవదంపతులా ఆశా లతలా..పూచిన తొలిపూవు ఈ రేయీ
తొలిరేయీ... ఇది తొలిరేయి
చరణం 2 :
కన్నులేమో వేరు వేరు... కలలు ఒకటేలే
తనువులేమో వేరు వేరు... మనసులొకటేలే
పూలపానుపులా... వేయిమల్లెల పిలుపులొకటేలే
కలవరించే కోటికోర్కెలా... గమ్యమొకటేలే... గమ్య మొకటేలే
ఆలుమగల అంతరంగాల...అందాలతొలకరి..ఈ రేయీ
తొలిరేయీ... ఇది తొలిరేయి
ఇద్దరమూ చెరిసగమూ
ముద్దూ ముచ్చట పంచుకొనే... తొలిరేయీ..ఇది తొలిరేయి
http://www.allbestsongs.com/telugu_songs/play-Telugu-Songs-iphone.php?plist=2022
No comments:
Post a Comment